World Design Protocol

Ang logomark ay ang pangunahing representasyon ng pagkakakilanlan ng brand namin. Laging gamitin ang logo sa orihinal nitong anyo at laging maglagay ng malinaw na espasyo sa paligid nito para matiyak na madali itong makikita at magiging kapansin-pansin. Ang anumang pagbabago, pagbabaluktot o paggamit ng hindi awtorisadong kulay ay maaaring makasira sa integridad nito.

Ang wordmark ay isang mahalagang bahagi ng biswal na pagkakakilanlan ng brand namin, kasama ang logo symbol para malinaw at maganda naming maipahayag ang pangalan namin. Hindi pinapayagan ang pagbabago, pag-uunat o paglalagay ng hindi aprubadong effects sa wordmark.

Ang logo lockup ay ang pinagsamang logo symbol at wordmark na kumakatawan sa kabuuan ng brand namin. Dapat palaging gamitin ang lockup ayon sa tamang proporsyon, espasyo at pagkakahanay ng mga bahagi nito. Huwag paghiwalayin, baguhin ang ayos, o palakihin o paliitin ang mga bahagi nito. Laging sumangguni sa mga tuntunin para sa sukat, espasyo at paglalagay nito para mapanatili ang integridad nito.

Ang clearspace ay ang pinakamaliit na puwang sa pagitan ng logo at iba pang bahagi sa isang layout. Nakadepende sa lapad ng “o” sa world ang clearspace sa paligid ng logo.

Lumikha ng Gradient (PDF Tutorial)

• Ang World gradient ay isang mahalagang elemento sa brand system. Nagpapahayag ito ng pag-asa at optimismo at maaaring gamitin bilang natatanging brand asset kapag ginamit bilang backdrop.
• Gamitin lamang ito sa ibinigay na mga kulay.
• Dapat gumawa ng gradient na naka-bitmap at pagkatapos ay lagyan ng kulay, para matiyak na ang bitmap resolution ay sumusunod sa mga tuntuning makikita sa susunod na mga pahina.

Gradient - Resolution

Ang Lausanne ay isang sopistikado at makabagong sans-serif font na madaling ibagay para sa teksto at display. Kaya nitong makipagsabayan sa tradisyonal na mga sans-serif, at may mga katangian rin itong natatangi sa digital typography. Ito lang ang font na ginagamit para sa World brand.

Mga Kakapalan

Narito ang tatlong kakapalan ng Lausanne na ginagamit sa buong World brand. Ito ang pundasyon ng lahat ng nilalaman at kinakailangang maaprubahan muna namin ang anumang eksepsyon at pagdaragdag dito.

Sa pangkalahatan, ang mga sumusunod na alituntunin ay maaaring ilapat sa halos lahat ng paggamit ng typography sa brand messaging.

Ang body copy at mahahabang seksyon ng mga teksto ay nakatakda sa 300 na kakapalan. Ang mga headline at malalaking display type ay nakatakda sa 400 na kakapalan, habang ang mas maliliit na mga subhead at pamagat ay nakatakda sa 450 para mapanatili ang kakapalan nito habang bahagyang mas maliit kaysa sa mga pangunahing headline.

Leading at Tracking

Pagkakahanay

Ang Tiempos Collection ay isang modern serif family para sa editorial typography. Ang Tiempos Headline ay idinisenyo para sa mas malalaking sukat ng headline, at binabalanse nito ang praktikalidad at kagandahan.

Mga Kakapalan

Narito ang dalawang kakapalan ng Tiempos Headline na ginagamit sa buong World brand. Kailangan muna naming maaprubahan ang anumang eksepsyon o pagdaragdag dito.

Ang Tiempos Headline ay ang alternatibo naming typeface na ginagamit lang sa piling mga pagkakataon, kadalasan kapag ang brand ay direkta at parang personal na nakikipag-usap sa user.

Maaari itong gamitin para sa advertising, pagbebenta at sa ilang screen sa UX. Kailangan muna naming maaprubahan ang lahat ng nilalaman at anumang eksepsyon o pagdaragdag dito.

Gamit ng Font

Mga Post sa Social Media, Kampanya, Eksklusibidad

Ang Tiempos ay may personal at direktang boses sa biswal na wika ng brand. Mainam ito para makalikha ng tonong madaling lapitan para sa partikular na mga sitwasyon kung saan ang layunin ay makipag-usap nang mas direkta sa mga user.

Ginagamit namin ang Noto font kasama ang pangunahin naming Latin typeface para matiyak na magagamit ito sa mga sulat na hindi Latin. Pinili namin ang Noto dahil maaari itong gamitin sa napakaraming wika sa buong mundo, at nagbibigay ng pare-pareho at maayos na typography sa iba't ibang sulat, kabilang na ang Chinese, Arabic, Cyrillic at Japanese.

Sa pamamagitan ng pamamaraang ito, mapapanatili namin ang pagkakapare-pareho at inklusibidad ng brand, nang sa gayon ay ipaaabot namin ang mensahe namin sa mga user sa buong mundo sa sarili nilang wika, nang hindi nakokompromiso ang readability o ang estetika ng disenyo nito.

Ang grid ay isa sa pinakamahahalagang mga tool sa design system. Mahalaga ito sa lahat ng layout at komposisyon at dapat gamitin sa lahat ng pagkakataon. Maaari itong maging 2, 4, 6, o 8 column grid depende sa laki ng artboard at dami ng mga elemento. Gayunpaman, dapat laging nakahanay ang lahat ng elemento nito sa grid at proporsyonal ang pagitan sa mga margin.

Panloob na materyales

Para sa lahat ng internal materials at branded collateral kung saan kasama ang logo sa iba pang asset at nilalaman, dapat ilagay ang logo sa kaliwang-itaas na bahagi ng layout para matiyak ang consistency nito.

Solo na logo

Sa mga layout kung saan ang logo lang ang elemento, gaya ng mga video card o ilang kampanya o anunsyo, ang logo ay inilalagay sa gitna ng layout.

Mga social media profile

Logo sa gradient

Kapag inilalagay ang logo sa gradient backdrop, dapat lagi itong nasa maliwanag na bahagi para hindi makasagabal sa readability.

Ang bawat pangunahing produkto ng World ay may kaugnay na illustration, hango sa kalikasan ng produkto o sa ibinibigay nito.

Maraming paraan para magrepresenta ng datos, pero dapat itong magkaroon ng pare-pareho istilo. Ang paggamit ng mga outline, geometric na hugis para sa mga chart at graph, maingat at intensyonal na paggamit ng mga fill at kulay, ay isang paraan para maging pare-pareho ang mga elemento sa data visualization graphics.

Para madali itong magamit at mahanap, ang bawat produkto ay may icon na nauugnay dito, at ginawa bilang pinasimpleng anyo ng product illustration nito.

Dapat mapanatili ng mga product icon ang parehong kakapalan sa iba’t ibang sukat. Ang baseline na ginagamit ay 1.0 px kapag ang icon ay 60 px ang lapad at kapag mas maliit o mas malaki, dapat i-adjust ang kakapalan para tumugma ito sa kung papaano nakikita ang baseline.