Mga madalas itanong tungkol sa pribasiya ng World
Basahin ang mga madalas itanong
Ang World Network ay idinisenyo para maging pribado.
Sa panahon ng AI, ang World ang pinakapribadong network ng tunay na mga tao.
Para maisakatuparan ito, palaging ina-upgrade ang protocol. Ibig sabihin, patuloy na pinaiigting ang pribasiya at seguridad ng system.
Simple pero makapangyarihan ang mga layunin ng protocol:
Protektado: Hindi itinatabi ng World ang biometrics mo
Gumagamit ang World ng mga isinapribadong cryptographic fragment para matiyak na hindi magkakaroon ng sentralisadong database ng biometrics kahit saan.
Pribado: Hindi sinusubaybayan ng World ang aktibidad mo
Gumagamit ang World ng mga patunay na hindi naipag-uugnay para manatiling pribado at hindi maikokonekta ang mga aktibidad ng mga user sa internet.
Bukas: Bukas ang teknolohiya ng World sa lahat
Hindi ito katulad ng mga legacy network, dahil hindi mo kailangang magtiwala na lang sa mga pangakong ito. Patutunayan ito ng protocol sa publiko sa bawat paglalabas nito.
Mga pagpapabuti sa pribasiya
2025
2024
2023
'Wag gumawa ng mali kahit kaya mo
Binuo ang World nang mayroong mga trust-minimized technology na pinipigilan ang maling pag-aasal, kahit mula pa sa mismong development team. Ibig sabihin, hangga't maaari, inaalis ang sentralisadong kontrol mula sa system at ipinauubaya sa mga user ang pamamahala at pag-iingat sa sarili nilang datos.
Hindi dapat alam ng protocol kung sino ka
Binabawasan ng World ang data footprint ng mga user sa protocol hangga't maaari. Kadalasan, nangangailangan ito ng pag-imbento ng mga bagong teknolohiya na kalaunan ay ino-open source para ma-audit at magamit din ng iba.
Nalilinis ang dumi kapag nailalantad sa liwanag
Laging pinipili ng World na gawing bukas ang mga protocol system nito. Ibig sabihin, magagamit ng mga external auditor at reviewer ang mga pangunahing bahagi nito. Kapag mas madalas na nangyari ito, mas magiging protektado ang protocol.
Orb
Kaya kang makilala ng Orb mula sa iba, nang hindi nagtatabi ng anumang personal na impormasyon, kahit pa ang pangalan mo.
Kumukuha ito ng mga larawan ng mukha at mga mata mo para lumikha ng isang bukod-tanging code, isang matematikal na representasyong nagpapatunay na isa kang tunay at bukod-tanging tao. Agad na hahatiin ang code na ito sa mga lihim na share, o mga pirasong mukhang random lang kapag mag-isa at wala itong inilalantad tungkol sa'yo o sa orihinal na code.
Ang mga share na ito ay ligtas na ikinukumpara sa iba’t ibang independent compute node gamit ang Anonymized Multi-Party Computation (AMPC) para matiyak na walang sinuman ang makakapagparehistro nang higit sa isang beses at walang node ang makakaalam ng anuman tungkol sa pinagmulang code.
Ibig sabihin, walang datos ng biometrics ang itatabi o ibabahagi ng World kailanman.