May beripikado na akong World ID. Ano'ng susunod kong gagawin?

Nakabisita ka sa isang Orb para beripikahin ang World ID mo at ngayon, bahagi ka na ng network ng tunay na mga tao. Sagutin natin ang madalas na itanong: Kailangan ko bang “i-scan” ang mga mata ko sa tuwing gagamitin ko ang World ID ko o magpakita ng patunay ng pagkatao?

Ang sagot? Hindi.

Linawin natin ang isa sa mga maling pagkakaunawa tungkol sa World ID o patunay ng pagkatao at ipakita kung gaano kasimple gamitin ang protektado at anonymous mong digital na patunay ng pagkatao.

Isang beripikasyon, pangmatagalang access

Ganito ang nangyayari kapag pinaberipika mo ang World ID mo: Sa proseso ng beripikasyon ng patunay ng pagkatao, kumukuha ang Orb—isang high-tech na camera—ng mga larawan ng mga mata at mukha mo para kumpirmahing totoo at bukod-tanging tao ka. Isang beses lang gagawin ang prosesong ito. Ipoproseso ng Orb ang mga larawang ito sa mismong device sa loob nang humigit-kumulang 10 segundo, titingnan kung hindi ka pa kailanman nakapagpapaberipika sa isang Orb, ine-encrypt ang mga larawan, at ipinapadala ang mga ito sa telepono mo bilang Personal Custody Package. Pagkatapos, permanente nang buburahin ang mga larawan mula sa Orb.

Ang beripikado mong World ID ay mananatili lang sa telepono mo sa World App bilang isang protektado at naka-encrypt na kredensyal, at hindi sa ibang lugar. Isipin mo na parang pagkuha ito ng pisikal na pasaporte kung saan isang beses ka lang dadaan sa proseso ng beripikasyon, matatanggap mo na ang dokumento mo, at gagamitin mo ito kapag kailangan mong patunayan ang isang bagay tungkol sa sarili mo. Hindi mo na kailangan pang bumalik sa opisina ng DFA tuwing mag-aabroad ka o gagamitin ang pasaporte mo. Pero hindi ito tulad ng pasaporte, dahil hinahayaan ka ng World ID na patunayan ang ilang bagay tungkol sa sarili mo nang hindi kailangang magbahagi ng personal mong impormasyon tulad ng petsa ng kapanganakan o address mo, at ang pinakamahalaga, hindi hawak ng World ID mo ang impormasyong ito.

Kasinsimple lang ng pagbubukas ng app ang paggamit ng World ID mo

Para magamit ang beripikado mong World ID, buksan mo lang ang World ID app sa telepono mo. Hindi na kailangang bumalik pa sa Orb, walang komplikadong proseso, at hindi na rin kailangan ng dagdag na beripikasyon ng patunay ng pagkatao. Ganito ito ginagawa sa aktwal:

Kapag hiniling sa'yo ng isang app o website na patunayan mong tao ka:

1. Makikita mo ang "Mag-sign in gamit ang World ID" o “I-link ang World ID mo” na opsyon
2. Pindutin ito, at kusa nang bubukas ang World ID App sa mobile device mo. Kung desktop naman ang ginagamit mo, ipapa-scan sa'yo ang isang QR code gamit ang World App
3. Tingnan ang request at aprubahan ito sa isang simpleng pag-tap lang
4. Posibleng magpasagawa sa'yo ng Face Auth ang ilang app sa telepono mo. Sa telepono mo lang gagawin ang beripikasyong ito
5. Tagumpay! Napatunayan mong tao ka nang hindi ibinabahagi ang anumang personal mong impormasyon

Gano'n lang kadali. Gumagamit ang World ID ng advanced zero-knowledge cryptography para mapatunayang isa kang beripikadong tao nang hindi ibinabahagi ang anumang datos ng biometrics mo o personal mong impormasyon.

Gagana ang World ID mo kahit saan

Kapag naberipika na ito, magagamit mo ang World ID mo sa daan-daang application at serbisyong naka-integrate sa World protocol. Kung gusto mong:

• Makipaglaro kasama ang tunay na mga tao
• Makipag-date sa tunay na mga tao
• Mamili kasama ang tunay na mga tao
• Sumali sa beripikadong Polls kasama ang tunay na mga tao

Sa bawat pagkakataon, pareho lang ang magiging proseso: mabubuo kaagad ang patunay mo nang isang beses sa telepono mo.

Idinisenyo para maging pribado

Ang World ID ay idinisenyo para unahin ang pribasiya mo. Kapag ginamit mo ito:

• Walang datos ng biometrics ang ibabahagi sa anumang third-party application
• Sinisiguro ng zero-knowledge proof na mapatutunayan mong tao ka nang hindi inilalantad kung sino ka
• Walang tracking na magaganap sa pagitan ng iba't ibang application at hindi alam ng World kung aling mga serbisyo ang ginagamit mo

Malalaman lang ng mga application mula sa World ID mong isa kang naberipikang natatanging tao, wala nang iba pa. Mas pribado ito kumpara sa mga karaniwang ginagamit na paraan.

Magsimula na

Kung hindi mo pa nabeberipika ang World ID mo, simple lang ang proseso:

1. I-download ang World ID app mula sa app store mo
2. Maghanap ng malapit na Orb gamit ang location feature ng World ID app
3. Kumpletuhin ang beripikasyon (ilang minuto lang ito)
4. Simulan agad gamitin ang World ID mo sa suportadong mga app at serbisyo

Tandaan: Isang beses lang ang beripikasyong ito para tuloy-tuloy na ang pakikipag-ugnayan bilang isang tunay na tao sa Internet, habambuhay.

Alamin pa

Para manatiling may alam tungkol sa World, bisitahin ang website ng World o mag-subscribe sa blog sa ibaba.

Puwede ka ring sumali sa araw-araw na talakayan sa lahat ng social media channel ng World, o makakuha ng mas marami pang mahahalagang impormasyon tungkol sa network mula sa World protocol whitepaper.