World: Ikatlong Taon, Phase 3

Malaki na ang ipinagbago ng internet ngayong taon. Nagsimula nang gamitin ang AI sa pag-book ng mga biyahe, pagsusulat ng code, pagresolba ng mga support ticket, at maging sa pakikipag-date. Marami sa mga ito ang talagang kapaki-pakinabang. Pero dahil dito, mas mahalagang tanong ngayon: paano natin malalaman kung mapagkakatiwalaan ba talaga ang mga nakakausap natin online?

Ito ang dahilan kung bakit binuo ang World. Tatlong taon na ang nakalipas, sinimulan naming likhain ang isang tunay na network ng mga tao sa pamamagitan ng World ID. Sa tulong nito, madaling mapatutunayan ng sinuman na sila ay tunay na tao online habang nananatiling pribado ang kanilang personal na impormasyon.

Sa kasalukuyan, umabot na sa World App user counter ang bilang ng mga gumagamit ng network na ito sa buong mundo. Paunti-unti na ring ginagamit ang patunay ng pagkatao sa mahahalagang interaksyon online, gaya ng mga meeting sa Zoom kung saan beripikadong tunay na tao ang lahat ng kasali, mga match sa Tinder na siguradong tunay na tao ang makaka-match mo, at pagbili ng mga concert ticket para mapunta ang mga 'to sa talagang tunay na fans imbes na sa mga bot.

Pero hindi lang teknolohiya ang nagpapalakas sa network na ito. Malaki rin ang naitulong ng mga operator at builder na nagdala ng World sa kani-kanilang mga lungsod, at sa komunidad na aktibong nakibahagi sa iba't ibang event sa buong taon, gaya ng Human Run sa London, Catch Table dinners sa Korea, No Bot Shop sa Los Angeles (LA), at Vandy the Pink drop sa flagship store sa San Francisco (SF).

Ngayong taon, ipinagdiriwang ng World ang ikatlong taon nito at opisyal nang pumapasok sa Phase 3 ng Simple Plan.

Sa Phase 3, mas palalawakin pa ang paggamit ng patunay ng pagkatao. Magagamit na 'to sa mas maraming consumer platform kung saan mahalagang makasigurong tunay na tao ang kausap mo, sa mga negosyo na kailangang matiyak na tunay na tao ang kanilang mga customer, at maging sa mga AI agent para mapatunayan kung sino ang taong gumagamit o kumokontrol sa mga ito.

At hindi pa rito nagtatapos. Mas marami pang paparating, kabilang ang bagong World ID app at isang mahalagang anunsyo na kasalukuyan naming pinaghahandaan para sa paglulunsad nito sa taglagas (fall).

Salamat sa lahat ng builder, partner, operator, at user na tumutulong na gawing mas ligtas at mas makatao ang internet. Sama-sama nating salubungin ang Phase 3.