Mga Madalas Itanong Tungkol sa World ID

Ang World ID ay isang ligtas paraan para mapatunayang tao ka online nang hindi nagbibigay ng personal na impormasyon. 
Ang World ID ay nakalagay sa telepono mo, at nagbibigay-daan ito sa'yong mapatunayan nang hindi nagbibigay ng personal na impormasyon na tunay at bukod-tangi kang tao, hindi isang bot, kapag gumagamit ka ng mga online na serbisyo at iba’t ibang Mini App. Isa itong simpleng paraan na puwedeng gamitin nang paulit-ulit para mapatunayan mong tao ka online, lalo na't pahirap na nang pahirap matukoy ang mga tao mula sa AI dahil sa pag-angat ng teknolohiya.

Puwede kang lumikha ng World ID sa kahit anong digital wallet na tumatanggap ng World ID, tulad ng World ID App, ang unang wallet na binuo para sa World Network at idinevelop ng tagapag-ambag sa proyekto na Tools For Humanity (TFH). Para ganap na maberipika ang World ID mo at matanggap ang "patunay ng pagkatao" na credential mo, kailangan mo munang pumunta sa isang Orb nang personal para maberipika kung tunay at bukod-tangi kang tao.

Ganito ang sunud-sunod na mangyayari pagkatapos mong mag-sign up sa World ID App:

1. Kukuha ang Orb ng mga larawan ng mga mata at mukha mo.
2. Lilikha ang Orb ng isang bukod-tanging code mula sa mga larawang ito, ipadadala ang mga larawan at ang bukod-tanging code sa device mo (ang personal custody package mo), bago tuluyang burahin ang mga ito.
3. Magpapadala ang device mo ng isinapribadong mga MPC fragment ng bukod-tangi mong code sa mga MPC node para makumpirma kung isa kang tunay at bukod-tanging taong unang beses pa lang magpapaberipika.
4. Beripikado na ang World ID mo.

• Makikita ang detalyadong impormasyon kung paano ibineberipika ng Orb ang isang World ID dito.
• Makikita ang detalyadong impormasyon tungkol sa anonymized multi-party computation (MPC) dito.
• Makikita ang detalyadong impormasyon tungkol sa data at sa Orb dito.
• Makikita ang detalyadong impormasyon tungkol sa Personal Custody dito.
• Makikita ang detalyadong impormasyon tungkol sa pribasiya sa World dito.

Ang World ID ay bahagi ng isang open source at permissionless protocol na magagamit ng sangkatauhan. Bukas sa publiko ang lahat ng developer docs.

Hindi. Ang World ID ay idinisenyo para magamit mo ito nang hindi inilalantad ang pagkakakilanlan mo. Kahit sino, puwedeng gumamit nito nang hindi ibinibigay ang personal nilang impormasyon tulad ng mga pangalan, email address, numero ng telepono, social media profile, atbp.

Ang World ID ng isang tao ay nabubuo sa World ID App sa mismong device nila bago sila pumunta sa Orb. Ang Orb naman ang kukuha ng mga larawan para maberipika at, kung kinakailangan, ma-recover ang World ID nila. Hindi ibabahagi sa iba ang anumang kaugnay na datos kapag ginagamit nila ang World ID nila.

Kapag ginagamit ng isang tao ang World ID nila, pinipigilan ng isang zero-knowledge proof (ZKP) ang mga third party na masubaybayan sila sa iba’t ibang application. Tinitiyak din ng ZKPs na ang paggamit ng World ID ay hindi maiuugnay sa anumang datos ng biometrics o sa bukod-tanging code na ginagamit para maberipika kung ang indibidwal ay isang tunay at bukod-tanging tao.

Gumagamit ang World ID ng isang open source protocol na kilala bilang Semaphore na tinitiyak na hindi maiuugnay ang mga beripikasyon sa pagkakakilanlan ng isang tao, maging sa mga beripikasyon sa iba pang application.

• Makikita ang mas detalyadong pagtatalakay tungkol sa ZKPs at Semaphore dito.
• Makikita ang buod ng pinakamahahalagang proteksyon ng World para sa pribasiya dito.

Para sa karagdagang impormasyon tungkol sa World ID, bisitahin ang pahina ng World ID, developer docs at World Whitepaper.

Makikita ang impormasyon tungkol sa sunud-sunod na hakbang sa pagpapaberipika ng World ID mo at pagsali sa World Network dito.

Pwede ka ring sumali sa talakayan tungkol sa World sa Twitter/X, Telegram, Discord, YouTube at LinkedIn.

Binago ang blog na ito noong ika-26 ng Nobyembre 26, 2025.